Mijëra njerëz u mblodhën në varrezat në Vrnjaçka Banja, ku po mbahet varrimi i Stefan Nedeljkoviqit, serbit të vrarë në një konflikt me policinë e Kosovës në Banjska.
Një numër i madh i qytetarëve të mbledhur veshin bluza me imazhin e dëshmorit Stefan.Në varrim është parë edhe Milan Radoiçiq, ish-nënkryetari i Listës Serbe, i cili dje iu përgjigj thirrjes së policisë dhe mori pjesë në një intervistë informative lidhur me konfliktin në Banjskë, raporton Blic .
Ai u largua nga varrezat menjëherë pas fillimit të varrimit. Radoiçiq hipi në sediljen e pasagjerit në një xhip të zi dhe u largua në drejtim të panjohur.
Për shkak të varrimit për një kohë u ndalua qarkullimi, ndërsa tifozët e “Crvena zvezda” organizuan një dritë pishtari në hyrje të Vrnjaçka Banja.
Dhjetëra automjete ndoqën furgonin që mbante trupin në kortezh. Ata vozitën kryesisht nga Kosova, dhe familja e Stefan Nedeljkoviqit ishte në veturë menjëherë pas furgonit.
Kujtojmë se sot do të varrosen tre serbët, Igor Milenkoviq, Bojan Mijailoviq dhe Stefan Nedeljkoviq, të cilët u vranë gjatë sulmit te tyre ndaj pjesëtarëve te Policisë së Kosovës më 24 shtator në Banjskë.
Milenkoviç do të varroset në varrezat në Graniçan, Mijailoviç në Varrezat e Reja në Leposaviq dhe Nedeljkoviç në Vrnjaçka Banja.Trupat e tyre familjarët i kanë marrë dje nga Instituti i Mjekësisë Ligjore në Prishtinë, ku është kryer autopsia.
Në sulmin në Banjskë ka mbetur i vrarë pjesëtari i Policisë së Kosovës, Afrim Bunjaku.
