Ministri i Punëve të Brendshme të Republikës së Kosovës, XHelal Sveçla, ka thënë sot se sulmi i fundit terrorist nga Serbia kishte për qëllim aneksimin e veriut të Kosovës. Sipas tij, përmes pamjeve të konfiskuara të regjistruara nga dronët, shihet se përgatitjet për sulmin janë bërë në Serbi.
Si më parë, mediat rajonale i pasqyruan ngjarjet në kohë reale.
“Sot do të shohim në detaje jo vetëm sulmin terrorist në Banjskë, por edhe përgatitjet e këtij grupi në qendrat stërvitore të Serbisë. Në këtë trajnim morën pjesë presidenti serb Aleksandar Vuçiq, ministri serb i Mbrojtjes Millosh Vuçeviq dhe shefi i komandës së ushtrisë Milan Mojsilović. “Vuçiq u përpoq ta fsheh faktin se Serbia ishte e përfshirë në organizimin e këtij sulmi”, tha ministri kosovar me rastin e prezantimit publik të incizimeve të konfiskuara, të raportuara nga Bosna e Lire.
Ata shtojnë se seancat stërvitore janë mbajtur në Kopaonik, në pronën e Milan Radoiçiqit.
“Oslobodjenje” i Sarajevës vazhdon duke shkruar:
“Drejtori i Policisë së Kosovës, Gazmend Hoxha, tha se grupi që sulmoi policinë e Kosovës në Banjska më 24 shtator ishte duke u përgatitur për një kohë të gjatë në Serbi dhe kishte ushtruar në zonën e hotelit Grey në Kopaonik. është në pronësi të Milan Radoiçiqit dhe kishte ushtruar edhe në terrenin stërvitor të Pasuljanska livade”.
Portali Klix rikujton se përfaqësuesit e autoriteteve të Kosovës në mënyrë të përsëritur kanë identifikuar Milan Radoiçiqin si një nga udhëheqësit e grupit kriminal që ishte i përfshirë në vrasjen e Oliver Ivanoviqit, si dhe pohuan se ai ishte i përfshirë në konfliktin e armatosur në fshatin Banjska.
“Është publikuar edhe një video nga manastiri, në të cilën siç pretendojnë ata është me uniformë dhe me armë”, shton Klix .
Indeksi i Zagrebit shkruan se presidenti i Serbisë, Aleksandar Vuçiq, përmes një video-adresimi në faqen e tij në Instagram, ka thënë se brenda 24 orëve publiku do të shohë prova për “vrasjen brutale të së paku një serb” në Kosovë.
“Brenda 24 orëve do të mund ta dëgjoni dhe ta shihni, kemi deklaratat e dëshmitarëve okularë, të cilët kanë qenë në vend dhe kanë parë sesi të paktën një person është vrarë brutalisht”. “Serbia nuk do të qetësohet derisa të dihet e vërteta e plotë sepse jeta e serbëve nuk vlen më pak se jeta e të tjerëve”, ka thënë Vuçiq, transmeton ky portal i Zagrebit.
Antena M nga Podgorica shkruan se Hoxha ka thënë se Serbia i ka vënë në dispozicion logjistikën dhe infrastrukturën atij grupi.
“Stërvitjet ushtarake u mbajtën në një nga terrenet më të mëdha të stërvitjes ushtarake në Serbi, të paktën katër ditë para sulmit në Banjska, tha Hoxha”, raporton Antena M.
