Kuqezinjtë “shpartallojnë” Çekinë, prenotojnë biletat për në Gjermani – Nis festa 

Kombëtarja shqiptare e futbollit ka fituar bindshëm me rezultatin 3-0 ndaj Çekisë në stadiumin “Air Albania” teksa luhet pjesa e dytë e ndeshjes së vlefshme për kampionatin europian, Euro 2024, që do të zhvillohet në Gjermani.Aktualisht jemi të parët në grup me 13 pikë. Për më tepër çekët po luajnë me 1 lojtar mangët.Trajneri Silvinjo bëri pak ndryshime në rreshtimin e tij duke i besuar thuajse plotësisht grupit të lojtarëve me të cilët ka përballuar ndeshjet e fundit.Në portë konfirmohet Berisha si titullar, edhe pse mungoi në ndeshjen e fundit ndaj Polonisë për shkak të situatës shëndetësore. Ndërkohë, në mbrojtje është Ajeti me Gjimshitin në qendër dhe Hysaj me Mitajn në krahë.Në mesfushë Silvinho rreshtoi Asllanin, Bajramin dhe Ramadanin.Ndërsa sulmi iu besa treshes, Asani, Seferi nga krahët dhe Cikalleshi në qendër.Çekët u treguan menjëherë rrezikshëm me një gjuajtje të fortë, të kontrolluar në dy kohë nga Berisha.Por në minutën e 9’ ishte Asani që me një gjuajtje nga distanca shënoi në portën e mbrojtur nga Pavlenka.Çekët provuan sërish, por Çernji nuk arriti të kopjojë Asanin, pasi gjuajtjen nga jashtë zonës e grushtoi Berisha.Në të 18-ën kundërsulm i rrufeshëm i kuqezinjve me Cikalleshin, i cili në krahun e majtë arrin deri pranë portës, pro sheh gjuajtjen e tij të devijohet nga portieri Pavlenka.Në minutën e 26, Bajrami nis një sulm të rrufeshëm të kuqezinjve me kombinimin me Çikalleshin dhe Asllanin, por pasimi i këtij të fundit nuk e nis dot të vetëm drejt portës.Në të 38-ën çekët shënuan pas zhvillimit të një goditje dënimi me Çutil, i cili shtyn më dorë topin në rrjetë. Gjyqtari anulon golin si dhe i tregon kartonin e  dytë të verdhë sulmuesit, duke lënë Çekinë me 10 lojtarë. I verdhë edhe për Kufal për protesta.Me rezultatin 1-0 mbyllet pjesa e parë.Në pjesën e dytë, në minutën e 52-të kuqezinjtë dyfishuan rezultatin, teksa pas një kundërsulmi perfekt ishte Seferi, i cili çoi topin në rrjetë.Ndërsa në minutën e ’73 do të ishte sërish Seferi i cili realizoi një gol të thjeshtë.Kuqezinjtë përmes Arbër Mujas do të shënonte edhe golin e katër në minutën e ’81, por që do të anulohej nga sistemi VAR.