Kryeministri i vendit, Albin Kurti, ka folur përsëri për sulmin terroriste të 24 shtatorit në Banjskë të Zveçanit.
Kreu i ekzekutivit ka thënë se jemi 18 dite pas sulmit terrorist te 24 shtetarit dhe sipas tij, shumë çka është më ndryshe prej ditës së diel. Po ashtu ai ka theksuar se, gjithçka do të ishe ndryshe nëse terroristët serbë nuk do te lokalizoheshin po atë ditë nga autoritet kosovare.
Kryeministri Kurti, ka paralajmëruar se së fundmi institucionet e sigurisë kanë hetuar rrezikun në rritje të inskenimit të sulmeve të dhunshme të grupeve të strukturave të Serbisë në Kosovë, për fajësimin e Policisë dhe paraqitjen e saj si forcë shtypëse mbi serbët e Kosovës.
Ai ka shtuar se, tani formacionet kriminale të sponsorizuara nga fqinji ynë verior në skenarin e tyre destabilizues, ka shumë të ngjarë që dallimet etnike t’i keqpërdorin për synime politike.
Më tej Kurti, tha se javën që lamë pas u shënua 23-vjetori i rrëzimit të Millosheviqit, 23 vjet pas asnjëherë më parë nuk i ka ngjarë më së shumti Serbisë së Millosheviqit ky pushtet në Serbi, në botëkuptime, në metoda, në sjellje e në veprime”.
Qeveria në mbledhjen e sotme ka aprovuar në parim kërkesën e Telekomit për huamarrje prej 15 milionë eurosh për projekte investive në këtë ndërmarrje.
Ministri i Financave, Hekuran Murati, ka thënë se ministria ka shqyrtuar kërkesën e Telekomit e cila fillimisht ka qenë 20 milionë euro.
“Kjo kredi do të shërbejë për investime në pajisje dhe sisteme telekomunikuese dhe përmirësimin e shërbimeve nga Telekomi”, ka deklaruar ai. Sipas tij, Telekomi ka pasur nevojë për këtë kredi shtesë.
Gjithashtu, qeveria ka miratuar kërkesën e Ministrisë së Mjedisit, Planifikimit Hapësinor dhe Infrastrukturës për ndarjen e mjeteve buxhetore shtesë për projektin “Sanimi i rrëshqitjes në rrugën nacionale N22.3, segmenti Mitrovicë-Jarinje, tek vendi i quajtur ‘Kërrshi i Kaushës’ ”.
Kryeministri, Albin Kurti gjatë mbledhjes së Qeverisë tha se për këtë projekt do të ndahen 300 mijë euro.
