Deputeti nga radhët e Lidhjes Demokratike të Kosovës, Avdullah Hoti, ka thënë se për tri vite mandat të qeverisë Kurti, nuk ka asnjë shenjë se si janë shpenzuar 8.63 miliardë euro.
Ai, në një postim në Facebook, ka thënë se asnjë shenjë nuk shihet ku janë harxhuar këto mjete, duke theksuar se “nuk ka ndonjë autostradë të re, urë të re, tunel të ri, çerdhe, shkolla apo spitale të reja, duke shtuar se madje as policët nuk i kanë marrë shtesat e rrezikshmërisë nga shkurti i këtij viti.
“3 vite mandat dhe 3 buxhete vjetore të menaxhuara. 8.63 miliardë euro vlera e tri buxheteve (2021=2.51 miliardë, 2022=2.90 miliardë, 2023=3.22 miliardë). As shenjë nuk shihet se ku janë harxhuar gjithë këto mjete. Nuk ka ndonjë autostradë të re, urë të re, tunel të ri, çerdhe, shkolla apo spitale të reja. Pagat nuk janë rritur. As policët nuk i kanë marrë shtesat e rrezikshmërisë nga shkurti i këtij viti”, ka shkruar Hoti. /Kosovatimes/
