Të paktën shtatë persona humbën jetën dhe shumë u plagosën rëndë në një aksident të rëndë trafiku që ndodhi të premten rreth orës 03:15 të mëngjesit në autostradën A94 në Bavari.
Në kryqëzimin Ampfing/Waldkreiburg, shoferi humbi kontrollin e mjetit, i cili më pas u përmbys disa herë.
Shtatë persona vdiqën dhe të gjithë të tjerët u plagosën lehtë dhe u transferuan në spitalet aty pranë. Mes të plagosurve ka edhe fëmijë.
Autostrada në drejtim të Mynihut aktualisht është plotësisht e mbyllur, tha policia.
Sipas konstatimeve të para të policisë, në aksident është përfshirë vetura e një kontrabandisti, shkruan faz.net.
Në furgonin Mercedes Vito me nëntë ulëse, ndoshta kishte më shumë se 20 refugjatë, mes tyre edhe fëmijë.
Një patrullë e policisë federale e pa automjetin rreth orës tre të asaj nate.
