Kryeministri i Kosovës, Albin Kurti, i është bashkangjitur thirrjeve të presidentit amerikan, Joe Biden, për situatën në Gaza.
Ai, me anë të një postimi në X, ka theksuar se civilëve në Gaza duhet t’u sigurohen të gjitha gjërat që kanë nevojë.
“Ne i bashkohemi thirrjeve të presidentit Joe Biden, dhe liderëve të tjerë të SHBA-së dhe BE-së, për të trajtuar situatën e përkeqësuar humanitare në Gaza dhe për të siguruar akses në ushqim, ujë, energji elektrike, ilaçe dhe furnizime të tjera kritike për të përmbushur nevojat themelore të civilëve që janë kapur nga konflikti”, ka thënë Kurti. /Kosovatimes/
We echo the calls of @POTUS, and other 🇺🇲 & 🇪🇺 leaders, to address the deteriorating humanitarian situation in Gaza, and to ensure access to food, water, electricity, medicine, and other supplies critical to meet the basic needs of civilians caught in the conflict.
— Albin Kurti (@albinkurti) October 16, 2023
