Presidentja e vendit, Vjosa Osmani, ka thënë se vendimi i GJND-së, 13 vjet më parë, ka konfirmuar se deklarate e pavarësisë së Kosovës nuk e ka shkelur ligjin ndërkombëtar.
Osmani, në një postim në Twitter, ka vlerësuar se ky vendim duhet të shërbejë si një thirrje për vendet, të cilat nuk e kanë njohur pavarësinë e Kosovës, që të ndryshojnë qëndrimin e tyre.
“GJND 13 vjet më parë ka konfirmuar se deklarata e pavarësisë së Kosovës nuk e ka shkelur ligjin ndërkombëtar. 13 vjet më vonë, ky opinion historik mbetet një thirrje për vendet që nuk e kanë bërë ende një gjë të tillë, të bashkohen me demokracitë në mbarë botën dhe të njohin realitetin e pakthyeshëm të Republikës sonë sovrane”, ka shkruar Osmani.
