Përfaqësuesi i Lartë i BE-së për Politikë të Jashtme dhe Siguri, Josep Borrell, tha se Brukseli e konsideron të papranueshëm kapitullimin e Ukrainës ndaj regjimit të Vladimir Putin.
“Ne nuk mund ta lejojmë Putinin të vendosë një qeveri kukull në Kiev dhe të vendosë ushtrinë ruse në kufirin polak”, tha Borrell. Ai sugjeroi se “Putini ndoshta do të mendonte dy herë për pushtimin e Ukrainës nëse do ta dinte se si Bashkimi Evropian dhe vendet e tjera do të mbështesnin Kievin”.
Sipas Borrell, i cili gjithmonë ka mbrojtur mbështetjen për Kievin, ukrainasit nuk mund të mbrojnë veten kundër agresionit rus dhe kanë nevojë për ndihmën evropiane. Këtë e raporton BBC .
