Sistemi Evropian i alarmit të shpejtë në tregtinë me ushqime (RASFF) ka njoftuar se janë ndalur dy dërgesa nga Serbia, njëra e destinuar për tregun slloven dhe tjetra për në Kroaci.
Ngarkesa e dytë, e kthyer më 25 tetor, ka të bëjë me suplementet ushqimore të destinuara për tregun kroat, të cilat karakterizohen si potencialisht të rrezikshme, që përmbajnë “substanca të paautorizuara”.
Kujtojmë se këto janë dy shembuj në një sërë dërgesash kthyese nga Serbia nga kufijtë e vendeve fqinje. Në fillim të gushtit, një ngarkesë me patate të skuqura serbe nuk u shpërnda në Kroaci, sepse përmbante një nivel të lartë të akrilamidit kancerogjen.
Jo shumë kohë më heret, pjeshkët u kthyen edhe nga kufiri kroat, ku u gjetën më shumë pesticide se sa lejohej. Gjithashtu, në fillim të muajit korrik pjeshkët e prodhuara në vendin tonë u kthyen nga kufiri me Slloveninë, për shkak të përqendrimit të lartë të pesticidit chlorpyrifos.
Në fund të gushtit, kumbullat nga Serbia u kthyen edhe nga kufiri me Kroacinë, për shkak të mbetjeve të pesticidit chlorpyrifos dhe rreziqeve të mundshme për shëndetin. Një muaj më parë, një ngarkesë me salmon të tymosur u kthye nga i njëjti kufi për shkak të baktereve që shkaktojnë listeriozën (Listeria monocytogenes).
Gjithashtu, në mesin e shtatorit janë kthyer kastravecat nga kufiri i Sllovenisë, në të cilin është gjetur fungicidi metalaksil.
Kthimi i mallrave nga Serbia nuk vlen vetëm për ushqimin, por edhe për produkte të tjera si p.sh., kashtë letre apo pije alkoolike.
