Kryeministri i Kosovës, Albin Kurti, mori pjesë sot në konferencën me temë “Lidershipi në kohë sfiduese”, të organizuar nga kolegji UBT.
Kryeministri Kurti para të pranishmëve foli për cilësitë fundamentale që e definojnë një “lider të mirë dhe të madh”.
Sipas kryeministrit, dy cilësitë kryesore të një lideri të mirë, efektiviteti pragmatik për të tërhequr dhe mirëmbajtur ndjekës ose mbështetës dhe përkushtimi parimor ndaj një kauze të drejtë, sepse siç ka theksuar ai pragmatizmi pa parime është bosh, kurse parimi pa pragmatizëm është i pafrytshëm.
Ndërkaq, duke folur për cilësitë që e përcaktojnë një lider të madh, ai tha se ai definohen nga vullneti për të sakrifikuar interesin e tyre për një kauzë më të madhe.
“Pra, liderët e mëdhenj janë aq të dedikuar ndaj parimeve të tyre dhe aq të vendosur për t’i mbrojtur ato në mënyrën më të mirë, sa që janë të gatshëm të sakrifikojnë interesin e tyre personal”, citohet të ketë thënë Kurti.
Në njoftim të qevrerisë, thuhet se si shembull të një lideri të mirë dhe të madh, kryeministri në fjalën e tij, veçoi presidentin e 16-të të Shteteve të Bashkuara të Amerikës, Abraham Lincoln, bëhet e ditur në njoftimin për media të Kryeministrisë.Ai gjithashtu foli edhe për punën dhe kontributin e Qeverisë në nxitjen dhe përgatitjen e liderëve të së ardhmes të cilët janë efektiv në mënyrë pragmatike dhe moralisht parimor.
