Izraeli ka refuzuar thirrjen e Kombeve të Bashkuara për një armëpushim në Gaza, e cila u miratua nga Asambleja e Përgjithshme e OKB-së të premten. Ministri i Jashtëm i Izraelit, Eli Cohen, e quajti thirrjen “të neveritshme” në një postim në rrjetet sociale. Kryeministri izraelit Benjamin Netanyahu deklaroi se ata kishin hyrë në fazën e dytë të operacionit ushtarak dhe paralajmëroi se lufta do të ishte e gjatë dhe e vështirë.
Në mbrëmje, Izraeli filloi një bombardim intensiv në veri të Gazës, i cili rezultoi në zhdukjen e internetit dhe ndërprerjen e punës së rrjeteve celulare në zonë. Ushtria izraelite njoftoi se do të “zgjeronte operacionet tokësore” dhe u bëri thirrje civilëve në Gaza që të “iknin në jug”.Ndërkohë, Hamasi nisi një sulm me raketa në Tel Aviv, duke goditur një ndërtesë apartamentesh.
Presidenti iranian Ebrahim Raisi tha të dielën se lëvizjet e Izraelit “kaluan vijat e kuqe, të cilat mund t’i detyrojnë të gjithë të ndërmarrin veprime”.
“Uashingtoni na kërkon të mos bëjmë asgjë, por ata vazhdojnë të ofrojnë mbështetje të gjerë për Izraelin. SHBA i dërgoi mesazhe Boshtit të Rezistencës, por mori një përgjigje të qartë në fushën e betejës, shkroi ai në Twitter.
“Aksi i Rezistencës” është një rrjet i unifikuar i forcave të mbështetura nga Irani në të gjithë Lindjen e Mesme dhe Hamasi është pjesë e këtij grupi.
SHBA-ja e ka paralajmëruar Iranin që të qëndrojë jashtë luftës Izrael-Hamas, pasi kërkon të ndalojë një konflikt më të gjerë rajonal.
Hezbollahu, i cili është i vendosur në Liban dhe gjithashtu mbështetet nga Irani, ka shkëmbyer zjarr me Izraelin javët e fundit.
Zionist regime’s crimes have crossed the red lines, which may force everyone to take action. Washington asks us to not do anything, but they keep giving widespread support to Israel. The US sent messages to the Axis of Resistance but received a clear response on the battlefield.
— سید ابراهیم رئیسی (@raisi_com) October 29, 2023
