Ish-kryeministri, Avdullah Hoti, tani deputet i Kuvendit, ka shpërndarë një tekst të mediumit amerikan, Fox News ku thuhet se presidentja e Komisionit Evropian, Ursula von der Leyen gjatë vizitës së fundit në Kosovë dhe Serbi kërkoi njohjen “de facto” dhe autonomi për serbët.
“Ja për çfarë janë pajtuar Kurti-Osmani në fillim të këtij viti”, shkruan Hoti në Facebook, duke kërkuar reagim nga kryeministri dhe presidentja nëse kjo s’është e vërtet.
“Është obligim i juaj, dilni dhe sqaroni qytetarët”, ka shkruar Hoti, duke ia bashkangjitur linkun e lajmit të plotë Fox News, dhe fjalën ku Von der Leyen raportohet të ketë përmendur autonominë për serbët.
