Me premierën “Grafitet” është hapur edicioni i 18 i Festivalit “Ditët e Komedisë Shqiptare në Shtëpinë e Kulturës “Abdulla Krashtica” në Preshevë, e cila e mbushur si asnjëherë më parë me artdashës.
Autor i shfaqjes është Mehmet Kraja. Adaptimi dhe Regjia: Naser Shatrolli, ndërsa interpretuan
Valon Nuhiu, Gjelbërim Emini, Gani Veseli dhe Artan Ibishi.
Asistente e regjisë është Afeida Boriçi, skenografia Nexhat Boriçi, skicat e skenës Nita Llonçari.
Ndërsa kostumografia është nga Flutura Dedinja, muzika nga Skender Halimi, ndriqimi Albert Gadhi dhe ndriçues Xhemal Hasani.
Rrobaqepës është Shemsi Avdiu, saldues i skenës Abdyl Bilalli dhe rekuizitat Burim S. Emini.
E autor i posterit është Eshref Qahili, ndërsa traileri nga Dalmat Dobra.
Ky është përshkrimi i shfaqjes.
Solucioni i grafiteve të vëna mbi derën e shtëpisë, janë mjete mashtruese që i paraprijnë mashtrimit të secilit ”pushtues” mbi të mashtruarit e pushtuar, nëpër periudha të rëndësishme të natyrës nacionale dhe kombëtare.
Cinizmi ideor është metodologji shprehëse që prodhon situata tragjikomike kur flitet për luftën, për lirinë apo për atdhedashurinë.
Ndërsa spiunimi ngelet relikt i atyre pikturave të famshme socrealiste në relacion me mendësinë ballkanike.
Ka dy vetje në strumbullin e dramës së Krajës; Halimi (intelektuali), që përkon me durimin dhe Banushin, që zgjedhë rolin e spiunit, për të depërtuar diktatura dhe presioni psikologjik në oazën e trungut të elitës shqiptare.
Përkulja para secilit pushtet është kulmi i ironisë ndërsa frika para secilit pushtet ngelet brisk shartues në këmbët e kultit të nënshtrimit.
Shfaqja është produkt teatror bashkëkohor, i sendërtuar mbi logun e shenjave, figurave, simboleve dhe imazheve, të cilat përcaktojnë stilin, zhanrin. frymën dhe idenë brenda një norme të kuruar estetike.
Sonte prej orës 20:00 vazhdon nata e dytë e Fastivalit me shfaqje nga Teatri i Gjilanit “Loja e Martesës” me autor Edward Albee dhe regji të Shkëlzen Berishës, ku luajnë Mejreme Bersisha e Naset Zymberi. /Kosovatimes/
