Shqipëria është kualifikuar në Kampionatin Evropian të futbollit Euro 2024.
Kjo pas një barazimi me Moldavinë të premtën në një ndeshje të zhvilluar në “Zimbru Stadium” në kryeqytetin moldav Chisinau.
Ndeshja është mbyllur me rezultat të barabartë 1-1.
Kanë qenë shqiptarët ata që të parët e kanë gjetur golin.
Një rrëzim brenda zone i Taulant Seferit në minutën e njëzet e tretë i ka kushtuar me penallti Moldavisë. E nga pika e bardhë është treguar i saktë Sokol Cikalleshi.
Me këtë rezultat është mbyllur pjesa e parë.
Në pjesën e dytë, derisa minutat shkonin ndeshja dukej se do të fitohej nga Shqipëria, por një mendim të tillë nuk e kishte edhe Baboglo. Ka qenë minuta e tetëdhjetë e shtatë kur mbrojtësi me një goditje nga brenda zonës ka mposhtur Berishën. Paraprakisht Damascan ka qenë në pozitë gati për të realizuar, por e ka mbrojtur Berisha.
Pas këtij barazimi, Shqipëria gjendet e para në tabelë me katërmbëdhjetë pikë, duke arritur kështu kuotën e nevojshme për të shkuar në Gjermani.
Ndeshjen e ardhshme Shqipëria e luan kundër Ishujve Faroe. 
Moldavia e barazon rezultatin
Moldavia ka arritur ta barazojë rezultatin në ndeshjen me Shqipërinë.
Ka qenë minuta e tetëdhjetë e shtatë kur Baboglo me një goditje nga brenda zonës ka mposhtur Berishën.
Paraprakisht Damascan ka qenë në pozitë gati për të realizuar, por e ka mbrojtur Berisha.
Momentalisht ndeshja është në kohën shtesë.
Shqipëria në epërsi
Një rrëzim brenda zone i Taulant Seferit i ka kushtuar me penallti Moldavisë. E nga pika e bardhë është treguar i saktë Sokol Cikalleshi.
Pas vetëm njëzet e katër minutash lojë Shqipëria po fiton kundër Moldavisë me rezultat 0-1.
Sidoqoftë në dispozicion të ndeshjes ka edhe më shumë se sa një pjesëlojë dhe mund të shihen gola nga të dyja skuadrat. 
