Trajneri i Italisë, Luciano Spalletti, duke folur në prag të ndeshjes me Ukrainën ka thënë se skuadra e tij do të bëjë gjithçka për të mos pësuar humbje dhe për t`u kualifikuar direkt në Euro 2024.
Në Grupin C të kryesuar nga Anglia, Italia gjendet në vendin e dytë po me pikë të njëjta me Ukrainën që është në vendin e tretë. Nëse Italia pëson humbje do t’u jepte fund shpresave për kualifikim direkt dhe do të detyrohej të luajë në “play-off”.
“Ata kanë lojtarë që janë në formë të mirë në ligat ku luajnë. Ne do të duhet të luajmë si ekip dhe të japim gjithçka që kemi”, ka thënë ai. “Aftësia e tyre në kundërsulm mund të na shkaktojë gjithashtu probleme. Ne duhet të presim, të mbajmë formën tonë dhe të mos lëmë boshllëqe që mund të jenë të vështira për t’u mbuluar”.
