Kryeministri i Shqipërisë Edi Rama ka reaguar për sjelljen e opozitës në seancën e sotme plenare.
Rama ka publikuar në rrjetin social “X” një foto nga momenti kur deputetët e Rithemelimit ndezin flakadanë, ai i ka akuzuar këta të fundit se fjalori dhe sjelljet e rrugës i kanë futur në politikë.
Tutje kryeministri është shprehur se Rithemelimi ka prekur fundin.
“I futën fjalorin e sjelljet e rrugës në politikë, ndërsa politikën e hodhën në mes të katër rrugëve, duke mbjellë sherr, rrëmujë, dhunë dhe korrur humbje, humbje, humbje… Tanimë kanë prekur fundin, ku i ka marrë me vete halli i një të kërkuari nga drejtësia, që nuk do t’i lëshojë derisa të shkërmoqen e të ridalin copa e çika mbi ujë, si mbeturinat e një anijeje të mbytur”, ka shkruar Rama.
