Kryetari i Partisë Demokratike të Kosovës, Memli Krasniqi, ka thënë se Qeveria e Kosovës ka nënshkruar kontrata të tenderëve me procedurë të negociuar pa prokurim formal në vlerë prej 78 milionë e 560 mijë euro.
Krasniqi, në një postim në Facebook, ka publikuar një video përmes së cilës ka treguar të gjeturat, sipas tij, alarmante të raportit të fundit të Komisionit Evropian për Kosovën.
“78 milionë e 560 mijë euro është shuma e tenderëve gjatë 1 viti, të cilën Qeveria dyshohet se ju ka dhënë miqve dhe të afërmve të tyre – përmes procedurave të negociuara, pa prokurim formal, duke e eliminuar konkurrencën”, ka shkruar Krasniqi në Facebook.
