Me rastin e 28 nëntorit, 111-vjetorit të shpalljes së Pavarësisë së Shqipërisë, kryetari i Kuvendit të Kosovës, Glauk Konjnufca, bashkë me presidenten Vjosa Osmani kanë bërë sot homazhe tek Kompleksi Memorial “Adem Jashari” në Prekaz.
Ai tha se dita e 28 Nëntorit gjithmonë fillon në Prekaz, ku ka ndodhur sakrifica më e lartë e popullit të Kosovës për liri dhe këtu ku është ngjizur lufta e lavdishme e UÇK-së.
Konjufca kujtoi njëherësh edhe daljen e parë publike e UÇK-së, si dhe ditëlindjen e komandantit legjendar Adem Jashari.
“Uroj që nëntorët të festohen gjithmonë dhe të na gjejnë gjithmonë më të bashkuar e gjithnjë më të fortë”, tha kryekuvendari Konjufca.
