Kohët e fundit në tregun e Kosovës po qarkullojnë monedha të imëta falso. Pa dyshim që kriminaliteti ekonomik sidomos ajo që lidhet me falsifikim të monedhave është një nga problemet më të mprehta, që po shemb funksionimin e ekonomisë por që po i shkakton dëme të mëdha shoqërisë. Megjithatë për qytetarët ka filluar të shfaqet një problem i madh me qarkullimin monedhave në aloenë prej dy euro. Dy nga pikat më të frekuentuara Interex dhe Meridian kanë filluar të refuzojnë klientët për pagesa me këto monedha me vendime arbitrare. Në një nga pikat e Meridian në Ulpianë shitësit vetëm tregonin vendimin ndërkohë që refuzonin të klientët që pagesat ti bënin me monedhën prej dy euro. Të pyetur nga Kosovatimes, kush ka vendosur kështu, ata thanë kompania!
Po si është e mundur që kompania të vendos për këtë, që është një shkelje e rëndë, ndaj konsumatorit. Në tregun e Kosovës ekzistojnë aparatura të ndryshme për verifikim të monedhave. Banka qendrore e Kosovës nuk ka marrë ndonjë vendim për tërheqjen e të gjitha monedhave apo grumbullimin e tyre nga tregu. Disa thonë se teknologjia e falsifikimit është mjaft e sofistikuar dhe se parat e reme duken si origjinal. Por te monedhat e imëta më së lehti konstatohet përmes magnetit.
Me kodin penal të Kosovës përshkruhen dënimet për forma të ndryshme të pjesëmarrjes në vënien e parave të falsifikuara në qarkullim. Kush prodhon para të rreme me qëllim të vënies në qarkullim si origjinal parashihen dënime. Poashtu mund të dënohet akëcili person që ka pranuar paranë si origjinale por pasi ta ketë kuptuar se është i rremë e vendos në qarkullim dhe nuk e lajmëron është e dënueshme.
Ditë më parë policia ka arrestuar 6 persona në Kosovë duke sekuestruar thasët plot me 85 mijë euro
Policia e Kosovës ka goditur një grup që dyshohet se merrej me prodhimin dhe futjen në treg të parave të falsifikuara. Prokuroria Speciale e Kosovës ka njoftuar se ka arrestuar gjashtë persona, prej të cilëve tre shtetas nga Kosova dhe tre nga Maqedonia e Veriut, të cilët dyshohen se fusnin në treg monedha 2 euro të falsifikuara. Megjithatë inspektoriati i tregut duhet të ndërmarrë masa ndaj kompanive tregtare që ndalojnë krye në vete qarkullimin e monedhave pa ndonjë vendim zyrtar të BQK./Kosovatimes
