Një sulm i tillë në territorin më shumë se 4000 kilometra nga Ukraina do të thotë se Kievi është i aftë të operojë thellë brenda Rusisë.
Shërbimi i Sigurisë së Ukrainës (SBU) shpërtheu eksploziv në një linjë hekurudhore në Siberi, të cilën Rusia e përdor për të furnizuar ushtrinë, tha një burim ukrainas për Reuters.
Burimi, i cili dëshiroi të mbetet anonim, tha se katër eksplozivë u shpërthyen gjatë natës ndërsa treni i mallrave po lëvizte përmes tunelit Severomujsky në Buryatia, në kufirin me Mongolinë.Një sulm i tillë në territorin më shumë se 4000 kilometra nga Ukraina do të thotë se Kievi është i aftë të operojë thellë brenda Rusisë.
Reuters nuk mund të verifikonte në mënyrë të pavarur pretendimet e burimit ose nëse rruga hekurudhore përdoret për furnizime ushtarake. Burimet ruse konfirmuan se treni mori flakë në atë zonë, por nuk përmendën eksplozivët.
Komiteti hetues rus tha në një deklaratë se një tren që transportonte karburant ka marrë flakë në tunel të mërkurën në mbrëmje, se nuk ka viktima dhe se një hetim paraprak është duke u zhvilluar për të përcaktuar shkakun e aksidentit.
Hekurudhat ruse në pronësi të shtetit, e cila zotëron dhe operon rrjetin hekurudhor, njoftoi se treni ishte ndalur pasi u vërejt tym që dilte nga një rezervuar i karburantit dizel.
Kompania në një deklaratë të publikuar në internet tha se trafiku hekurudhor ishte ridrejtuar, gjë që rriti pak kohën e udhëtimit, por se vetë transporti nuk ishte pezulluar./SB
