Një luftanije amerikane dhe disa anije tregtare u sulmuan sot në Detin e Kuq, njoftoi Pentagoni.
“Ne jemi në dijeni të raporteve për një sulm ndaj destrojerit amerikan USS Kearney dhe anijeve tregtare në Detin e Kuq dhe sapo të kemi më shumë informacion, ne do t’i publikojmë ato,” tha Pentagoni, raportoi AP.
Deklarata nuk specifikoi se nga erdhën sulmet, por agjencia kujton se Houthis jemenas kishin nisur më parë një seri sulmesh ndaj anijeve në Detin e Kuq dhe kishin lëshuar drone dhe raketa që synonin Izraelin.
Më herët gjatë ditës, një anije mallrash britanike thuhet se u godit nga një raketë ndërsa po kalonte tranzit në Detin e Kuq, tha kompania e sigurisë detare Ambrey.
“Një anije mallrash me flamur britanik Bahamian thuhet se u godit nga një raketë teksa kalonte nëpër Detin e Kuq, afërsisht 34.5 kilometra në veriperëndim të Mocha, Jemen”, tha Ambrey, raportoi Euronews.
