Zëvendëskryeministrja, njëherësh, ministre e Punëve të Jashtme dhe Diasporës, Donika Gërvalla, ka thënë se Serbia ka shprehur refuzimin e saj për të zbatuar dispozitat e marrëveshjeve të Brukselit dhe Ohrit.
Gërvalla, në një postim në platformën X, i bëri thirrje komunitetit ndërkombëtar që të ndryshojë politiken ndaj Serbisë.
“Serbia shprehimisht shpreh refuzimin e saj për të zbatuar dispozitat e marrëveshjeve të Brukselit dhe Ohrit. I bëj thirrje komunitetit ndërkombëtar të pranojë se politika e zbutjes ndaj Serbisë ka dështuar. Tani nevojitet një ndryshim thelbësor”, ka shkruar Gërvalla.
Ndryshe, Serbia ka shprehur rezervat e saja lidhur me detyrimet e këtij vendi që dalin nga marrëveshja mbi rrugën drejt normalizmit të marrëdhënieve me Kosovën si dhe aneksin e zbatimit.
Kryeministrja serbe Ana Bërnabiq, sot, ka dërguar letër në selinë e Bashkimit Evropian duke konfirmuar se shteti i saj nuk do t’i respektojë të gjitha nenet e marrëveshjes.
