Televizioni publik i Turqisë, TRT, do të sjellë përvojën e tij në Kosovë, si medium që daton nga viti 1927.
Këtë do ta bëjë në bashkëpunim me Departamentin e Gazetarisë në Universitetin e Prishtinës “Hasan Prishtina” dhe me ndërmjetësim të Institutit Kulturor “Junus Emre” në Prishtinë.
Punëtoria “Gazetaria për të rinjtë” synon që të sjellë më afër studentëve të gazetarisë në Kosovë zhvillimin praktik të këtij profesioni, të kombinuar me trendët dhe mundësitë e shumta të këtij televizioni publik, veçmas duke u fokusuar në gazetarinë digjitale apo atë të realizuar përmes telefonave të mençur.
“Nën koordinimin e Instituti tonë në bashkëpunim me TRT-në dhe Universitetin e Prishtinës ‘Hasan Prishtina’, Atelija e Gazetarisë për të Rinjtë do te realizohet ndërmjet datave 18-20 dhjetor 2023 në Universitetin e Prishtinës”, thuhet në njoftimin për media. /Kosovatimes/
