Nxënësit dhe mësimdhënësit e shkollës “Fehmi Agani” në Gjakovë, do kenë kushte shumë më të mira për mësim, pas renovimit të tërësishëm të objektit që është financuar nga fondet e Bashkimit Evropian ë për të përmirësuar efiçiencën e energjisë. Në këtë shkollë është izoluar kulmit, muret dhe janë vendosë dritaret e reja.
Ministrja për Ekonomi dhe Energji, Artane Rizvanolli, e cila ishte në ceremoninë e inaugurimit të objektit, tha se kjo po bëhet e mundur falë investimeve nga Fondi i Kosovës për Efiçiencë të Energjisë, fond ky i mbështetur nga Zyra e BE-së, Banka Botërore dhe Qeveria e Kosovës.
Sipas zyrtarëve të Ministrisë së Ekonomisë dhe Energjisë, Fondi i Kosovës për Efiçiencë të Energjisë është themeluar para pesë viteve. Deri më tash me këtë fond, janë realizuar rreth 70 projekte në funksion të uljes së efiçiencës së energjisë, përderisa edhe 10 të tjera pritet të përfundojnë së shpejti, tha ministrja Rizvanolli.
Projekti, sipas saj, ka kushtuar rreth 470 mije euro.
