Edhe pak ditë kanë mbetur që qytetarët e Kosovës do të lëvizin lirshëm në zonën Shengen pa pasur nevojë të pajisen me vizë.
E për ketë drejtori i Përgjithshëm për Fqinjësi, Negociata dhe Zgjerim i Bashkimit Evropian, Gert Jan Koopman, përmes një postimi në platformen “X”, ka thënë se nga janari 2024 liberalizimi i vizave do të bëhet realitet për Kosovën.
Sipas tij liberalizimi do të ndihmojë shumë për të nxitur lidhjet më të ngushta dhe për të lehtësuar shkëmbimet mes njerëzve mes Kosovës dhe Bashkimit Evropian.
Ai po ashtu ka cituar se qytetarët e Kosovës do të mund të udhëtojnë nëpër Bashkimin Evropian pa vizë, deri në 90 ditë.
