S’ka festë Krishtlindjesh në vendin i cili konsiderohet nga besimtarët katolikë si vendlindja e Jezu Krishtit, e që zakonisht vërshohej me vizitorë rrugëve të Betlehemit nën jehonën e kambanave e atmosferës festive.
Por këtë vit, luftimet në Gaza kanë ndryshuar gjithçka, qyteti në Bregun Perëndimor për herë të parë për krishtlindje është pothuajse i shkretë. Janë hequr dekorimet që dikur zbukuronin lagjet. Paradat dhe festimet fetare janë anuluar.
Udhëheqësit lokalë morën vendimin muajin e kaluar për të pakësuar festimet në solidaritet me popullatën palestineze, përderisa luftimet mes izraelit dhe Hamasit po vazhdojnë. Në qendër të qytetit, pema e madhe tradicionale e Krishtlindjes e Sheshit Manger mungon dukshëm. Udhëtimi në Betlehem, rreth tetë kilometra në jug të Jerusalemit, nuk është zakonisht një udhëtim i lehtë.
Ekonomia e Betlehemit varet nga pelegrinët dhe turizmi, shpjegon pronari i dyqanit të gjeneratës së tretë, Rony Tabash, i cili qëndron jashtë dyqanit të tij duke pritur për klientët që nuk do të mbërrijnë kurrë. Banorë aty pranë thanë për CNN-in se ata nuk kanë pranë asnjëherë Krishtlindjet si kjo. Edhe një prift ortodoks grek në Kishën e Lindjes, thotë se Krishtlindja është gëzim, dashuri dhe paqe, në nuk kemi as paqe as gëzim shoti ai.
Lufta u ndez nga sulmi terrorist i Hamasit më 7 tetor në jug të Izraelit, në të cilin u vranë të paktën 1200 izraelit dhe u morën peng më shumë se 240 të tjerë, ndërsa deri më tani sipas Ministrisë së Shëndetësisë e kontrolluar nga Hamasi në Gaza më shumë se 20,000 palestinezë janë vrarë gjatë ofensivës ajrore dhe tokësore të Izraelit, dhe gati 85% e popullsisë totale të Gazës është zhvendosur.
