Lee Sun-kyun, 48 vjeç, aktori i njohur koreano-jugor, i njohur më së shumti për rolin e tij në filmin fitues të çmimit Oscar “Parasite”, u gjet i vdekur në një makinë në Seul të mërkurën, thanë autoritetet, pas javësh hetime intensive policore për përdorimin e opiateve.
Siç raportohet nga Skynews , Sun-kyun ishte nën hetim nga policia në momentin e vdekjes së tij, për shkak të dyshimit për përdorim droge.
Policia e Seulit e identifikoi aktorin pasi trupi i një burri rreth të 40-tave u gjet në një parking në orën 10:30 të mëngjesit të 27 dhjetorit. Më herët gjatë ditës, policia mori një telefonatë nga bashkëshortja e aktorit se ajo gjeti një shënim në shtëpinë e tyre që lajmëronte vetëvrasjen e tij. Kërkimet për të kanë nisur.
Sun-kyun u kap duke përdorur drogë disa herë në një lokal në Seul dhe i tha policisë se “zonja e shtëpisë i kishte mbjellë drogë”. Disa ditë para vdekjes së tij, Sun-kyun u mor në pyetje nga policia tre herë, dhe marrja në pyetje që u zhvillua fundjavën e kaluar zgjati deri në 19 orë.
Ligjet në Korenë e Jugut janë shumë të rrepta kur bëhet fjalë për drogën – dënimet variojnë nga 6 muaj deri në 14 vjet për të kthyerit.
Sun-kyun u bë i famshëm në botë për rolin e tij si Dong Ik në filmin hit Parasite, i cili fitoi çmimin Oscar 2020 për filmin më të mirë. Është filmi i parë jo-anglisht që fiton një Oscar në këtë kategori.
Sun-kyun fitoi çmimin 2021 Screen Actors Guild Award për aktor të jashtëzakonshëm për rolin e tij në këtë film dhe ka fituar shumë çmime të tjera.
