Zjarrfikësit kanë marrë një telefonatë rreth orës 11:00 se ka pasur një shpërthim dhe zjarr në ndërtesë dhe kanë luftuar zjarrin për orë të tëra. Kur më në fund kanë fikur zjarrin rreth orës 17:00 dhe kanë hyrë në ndërtesë për të kontrolluar të gjitha dhomat, kanë gjetur një çantë me trupin e pajetë të një foshnjeje.
Bëhet fjalë për një ndërtesë me katër apartamente, përfshirë një të dhënë me qira përmes Airbnb, në të cilën dyshohet se nuk ka qëndruar askush në momentin e rënies së zjarrit.
Asnjë nga banorët nuk e di se i kujt është foshnja. Ata shprehen se në një nga banesat jetonte një nënë e vetme me një fëmijë dhe shtojnë se nuk kanë parë që ndonjë nga fqinjët të ishte në një gjendje tjetër dhe as nuk kanë parë ndonjë grua me fëmijë.
Gjithashtu, nuk dihet se në cilin banesë është gjetur çanta.
Ekspertët e mjekësisë ligjore kanë dalë menjëherë në vendin e ngjarjes, por në mbrëmje ata janë dashur të largohen nga objekti për shkak të frikës se mund të shembet çatia . Ndërkohë policia nuk ka ende një përgjigje se i kujt është fëmija dhe hetimet vijojnë.
