Mbrojtja ajrore operoi në rajonet Nikolaev, Odessa, Kherson, Dnepropetrovsk, Vinnitsa, Zaporozhye, Khmelnytsky dhe Kirovograd. “Shumica e dronëve që nuk u rrëzuan sulmuan territoret e vijës së parë, veçanërisht rajonin Kherson”, thuhet në raport.
Tingujt e shpërthimeve u dëgjuan në Odessa, raportoi kanali televiziv Suspilne Odessa .
Sipas ushtrisë ukrainase, mbeturinat nga dronët e rrëzuar në Odessa ranë mbi një ndërtesë të re të pabanuar dhe shtëpi të fshatit. Për pasojë një person ka humbur jetën dhe tre janë plagosur.Në Kherson, një qendër tregtare, ndërtesa banimi dhe magazina u dëmtuan si pasojë e një sulmi me dron.
Ministria ruse e Mbrojtjes deklaroi se natën e 27 dhjetorit, sistemet e mbrojtjes ajrore rrëzuan dy drone mbi territoret e rajoneve Belgorod dhe Rostov. Tre orë më parë, guvernatori i rajonit të Rostovit të Rusisë, Vasily Golubev, shkroi për dronin e rrëzuar.
Nuk ka raportime për të vdekur apo të lënduar, apo dëme në vendin ku kanë rënë rrënojat.
