Autoritetet e Moskës do të dekorojnë Sheshin e Kuq për Vitin e Ri me barriera metalike dhe pika kontrolli të FSO, dhe patrullat e policisë do të plotësojnë atmosferën festive në rrugë, shkruan The Moscow Times.
Qasja drejt Sheshit të Kuq do të mbyllet nga ora 18:00 e datës 31 dhjetor deri në orën 7:00 të mëngjesit të datës 1 janar, njoftoi zyra kryesore e Ministrisë së Punëve të Brendshme në kryeqytet.
Sipas të dhënave të Departamentit të Sigurisë së Moskës, tetë mijë anëtarë të forcave të rendit do të nxirren në rrugët e qytetit natën e 4 janarit.
Në rrugë do të ketë pesë herë më shumë policë. Në pjesën e mbetur të festave të Vitit të Ri, 1.4 mijë punonjës policie do të jenë në detyrë.
Numri maksimal i policëve dhe oficerëve të Gardës Kombëtare – gati 12 mijë – do të përfshihen gjatë kremtimit të Krishtlindjeve Ortodokse në 6-7 janar. Atyre do t’u bashkohen 2,300 roje sigurie, të cilët do të “ndihmojnë në ruajtjen e rendit”, tha departamenti.
Krahasuar me vitin 2022, numri i policëve në rrugët e Moskës në natën e Vitit të Ri do të rritet. Në atë kohë ishin 7300 punonjës në detyrë dhe rreth 300 punonjës të kompanive private të sigurimit.
Sheshi i Kuq u mbyll gjithashtu një vit më parë. Autoritetet e shpjeguan këtë vendim me “zbatimin e masave parandaluese” për shkak të virusit korona.
