Oliver, emri i vërtetë i të cilit është Christian Klepser, ishte 51 vjeç. Vajzat e tij, Madita Klepser dhe Anik Klepser, ishin dhjetë e 12 vjeç.
Aktori Christian Oliver , dy vajzat e tij dhe piloti u vranë në një aksident avioni pranë një ishulli në Detin e Karaibeve, sipas policisë në Saint Vincent dhe Grenadines.
Oliver, emri i vërtetë i të cilit është Christian Klepser, ishte 51 vjeç. Vajzat e tij, Madita Klepser dhe Annik Klepser, ishin dhjetë e 12 vjeç. Në rrëzimin e avionit vdiq edhe piloti Robert Sachs. Ata ishin të vetmit pasagjerë në avion.Avioni kishte një motor, dhe në një fluturim për në Saint Lucia, ai u rrëzua dje pranë një ishulli të vogël pranë Grenadineve.
Menjëherë pas ngritjes, avioni raportoi vështirësi dhe më pas u rrëzua në det, tha policia. Shërbimet e shpëtimit gjetën trupat e të gjithë pasagjerëve dhe ato u transferuan në Shën Vincent, ku do të përcaktohet shkaku i saktë i vdekjes, shtoi ajo.
Oliver së fundmi luajti në filmin “Indiana Jones and the Dial of Destiny”, dhe njihet edhe për rolin e tij në filmin “Speed Racer” (2008). Ai ka luajtur edhe në “Sense8”, “Inspector George Gently”, “The Baby-Sitters Club” dhe “Saved by the Bell: The New Class”, shkruajnë mediat amerikane.
Në Gjermani, ai ishte më i njohur për rolin e tij si kryeinspektori Jan Richter në serialin “Alarm für Cobra 11”.
