Njohja e pasaportave të Kosovës nga Spanja, po shihet si model për anëtarësimin e Kosovës në Partneritetin për Paqe të NATO-s.
Politologu nga Bosnja e Hercegovina, Jasmin Mujanoviq, ka thënë se vendimi i Spanjës është një model që mund të përdoret për të hapur rrugën për pranimin e Kosovës në Partneritetin për Paqe të NATO-s. Mujanoviq në një postim në “X” ka kujtuar se kështu kishte sugjeruar më parë.
“Një nga implikimet kryesore të vendimit të Spanjës për të lejuar mbajtësit e pasaportave të Kosovës të hyjnë në vendin e tyre është se ky model mund të përdoret gjithashtu për të hapur rrugën për pranimin e Kosovës në PfP të NATO-s, siç sugjerova në raportin tim të fundit të politikave”, ka shkruar ai.
