Një shtetas serb (28) është arrestuar në Vjenë, pasi ka prerë në fytyrë një grua të moshuar në ditën e Krishtlindjes, pas një debati me djalin e saj . Gjegjësisht, ai ka ardhur në banesën e një 40-vjeçari në Vjenë-Favoriten, të cilin mësohet se e ka takuar pak më herët, shkruan Nachrichten.at.
Sipas njoftimeve të policisë, më pas ka shpërthyer një përleshje , duke përfshirë përdorimin e thikës, në të cilën ka marrë pjesë edhe nëna e pronarit të banesës.
Sipas mediave austriake, një shtetas serb ka rrëmbyer një thikë dhe ka sulmuar një 40-vjeçar gjatë një debati. Ai ka lënduar qafën dhe dorën.
Kur nëna 65-vjeçare vrapoi për të ndihmuar djalin e saj , ajo u sulmua dhe u godit me thikë në fytyrë.
Burri më pas u largua nga banesa dhe policia u lajmërua.
Punonjësit e policisë e kanë parë 28-vjeçarin para shtëpisë dhe kanë arritur ta vënë në mbajtje. Është marrë arma e vrasjes , një thikë kuzhine .
Nga analiza e alkoholit rezultoi se autori i dyshuar kishte alkool në gjak 1.98.
Shërbimi profesional i shpëtimit i Vjenës ofroi ndihmë mjekësore urgjente për dy viktimat e sulmit dhe i dërgoi në spital. Tashmë hetimet po kryhen nga Policia Kriminale e Shtetit të Vjenës, Dega Jug.
Sfondi i saktë i mosmarrëveshjes është aktualisht i paqartë dhe është nën hetim.
