Osmani për blerje të armëve, do të rrisin sigurinë në Kosovë dhe rajon

Presidentja e Kosovës, Vjosa Osmani, tha se Republika jonë po hyn në një fazë të re dhe vendimtare të fuqizimit të kapaciteteve shtetërore të mbrojtjes.“Kjo përfshinë zhvillimin e Forcës së Sigurisë së Kosovës konform standardeve të NATO-s dhe thellimin e marrëdhënieve me partnerin tonë strategjik, Shtetet e Bashkuara të Amerikës. Si Presidente e Republikës dhe Komandante Supreme e FSK-së shprehë mirënjohjen time për institucionet tona të mbrojtjes të cilat për vite me radhë punuan për përmbushjen e kritereve për kualifikim në Programin e Shitjeve Ushtarake të Departamentit të Shtetit të ShBA-ve”, ka shkruar ajo në ‘Facebook’.E para e vendit ka shprehur falënderim të veçantë për Sekretarin Blinken me të cilin ka diskutuar mbi miratimin e programit të Shitjeve Ushtarake të Huaja (FMS) në korrik 2022, për Departamentin e Mbrojtjes së SHBA-ve dhe Kongresin e Shteteve të Bashkuara, i cili tashmë është njoftuar zyrtarisht për synimin e Kosovës për të blerë sisteme mbrojtëse armësh përmes programit FMS.“Siç u tha në Deklaratën thelbësore të Qeverisë amerikane: “Kjo shitje e propozuar do t’i mbështesë qëllimet e politikës së jashtme dhe sigurinë kombëtare të Shteteve të Bashkuara duke përmirësuar sigurinë e një partneri evropian që është një forcë e rëndësishme për stabilitetin politik dhe ekonomik në Evropë. Shitja e propozuar gjithashtu do ta rrisë kapacitetin afatgjatë mbrojtës të Kosovës për ta mbrojtur sovranitetin dhe integritetin territorial, si dhe për t`i përmbushur kërkesat shtetërore në sferën e mbrojtjes.” Kam besim të plotë se Kongresi do ta mbështesë këtë shitje të mundshme për vendin më proamerikan në botë, si një akt i cili do ta rrisë sigurinë në Kosovë, në rajonin tonë, si dhe në kontinentin evropian”, ka shkruar Osmani.Ndryshe Departamenti Amerikan i Shtetit (DASh) ka konfirmuar vendimin e marrë, për shitjen e një sasie të konsiderueshme të raketave `Jevelin` dhe pajisjeve përcjellëse në Republikën e Kosovës për 75 milionë dollarë. Sipas njoftimit lëshuar nga DASH, bëhet fjalë për 246 raketa anti-tank, për të cilat duhet të vendosë Kongresi amerikan.“DASh ka marrë një vendim për miratimin e një shitje të mundshme ushtarake në Republikën e Kosovës të raketave Javelin dhe pajisjeve përkatëse për një kosto 75 milionë dollarësh. Agjencia e Bashkëpunimit për Sigurinë e Mbrojtjes dorëzoi sot certifikatën e kërkuar, duke njoftuar Kongresin për këtë shitje të mundshme”, thuhet në njoftim.Republika e Kosovës siç thuhet më tej në njoftim, ka kërkuar të blejë dyqind e dyzet e gjashtë (246) raketa ‘Javelin’ FGM-148F (përfshin gjashtë (6) raketa fluturues për të blerë; dhe njëzet e katër (24) Njësi lëshimi të Komandës së Lehtë Javelin (LWCLU).“Përfshihen gjithashtu ‘Javelin’ LWCLU Basic Skills Trainers; Javelin Trainers Outdoor; Raunde simulimi të raketave; Stacionet e instruktorëve të trajnimit në natyrë (OTIS); Njësitë e ftohësit të baterisë (BCU); Integrimi i Sistemit dhe Check out (SICO); Mbështetja e Ciklit të Jetës (LCS); Manuali Teknik Elektronik Interaktiv i Kufizuar ‘Javelin’ (IETM); Manuali i Operatorit Javelin dhe Asistenca Teknike (TAGM); Vegla; Stërvitja e gjuajtësve të shtizës; Trajnimi i Oficerit Teknik të Municioneve (ATO); Trajnim për mirëmbajtjen e shtizës; Dhe elementë të tjerë të logjistikës dhe mbështetjes së programit. Kostoja totale e vlerësuar është 75 milionë dollarë”, thuhet në njoftimin e detajuar.Kjo shitje e propozuar thuhet se do të mbështesë qëllimet e politikës së jashtme dhe sigurinë kombëtare të Shteteve të Bashkuara duke përmirësuar sigurinë e një partneri evropian, i cili është një forcë e rëndësishme për stabilitetin politik dhe ekonomik në Evropë.“Shitja e propozuar do të përmirësojë kapacitetin afatgjatë të mbrojtjes së Kosovës për të mbrojtur sovranitetin dhe integritetin e saj territorial për të përmbushur kërkesat e saj të mbrojtjes kombëtare. Kosova nuk do ta ketë të vështirë të absorbojë këtë pajisje në forcat e saj të armatosura”, thuhet më tej në njoftimin për meda lëshuar nga DASh.Shitja e propozuar e kësaj pajisje dhe mbështetje, siç thuhet më tej, nuk do të ndryshojë ekuilibrin bazë ushtarak në rajon.“Kontraktorët kryesorë do të jenë Javelin Joint Venture ndërmjet Lockheed Martin në Orlando, FL dhe Raytheon Missiles dhe Defense në Tucson, AZ. Nuk ka marrëveshje të njohura kompensimi në lidhje me këtë shitje të mundshme. Zbatimi i kësaj shitje të propozuar nuk do të kërkojë caktimin e përfaqësuesve të Qeverisë së ShBA-së apo kontraktorëve në Kosovë”, thuhet në njoftim.Nuk do të ketë asnjë ndikim negativ në gatishmërinë e mbrojtjes së ShBA-së si rezultat i kësaj shitje të propozuar, thuhet në njoftimin e DASh-it. /Kosovatimes/