Instituti GAP sot do të mbajë konferencën për media ku do të prezantohen gjetjet e raportit“`Prirja për të emigruar nga Kosova pas liberalizimit të vizave, ndikimi në fuqinë punëtore`.
Përmes këtij raporti, Instituti GAP ka analizuar ndikimin e emigrimit të qytetarëve të Kosovës në tregun e saj të punës.
“Në dhjetor të vitit 2023, GAP ka realizuar një anketë për matjen e opinionit publik në lidhje me planet e qytetarëve për të emigruar pas liberalizimit të vizave, si dhe janë analizuar praktikat e shteteve të rajonit të cilat janë përballur me shkallë të lartë të emigrimit”, njofton GAP.
Nga ky raport i GAP-it do të dihet më shumë se sa është përqindja e qytetarëve dhe cilave grup-mosha u përkasin ata të cilët kanë planifikuar të emigrojnë nga Kosova në pjesën e parë të vitit 2024?, cilët sektorë në Kosovë priten që të preken nga emigrimi i fuqisë punëtore?, cilat janë arsyet kryesore të cilat qytetarët kanë shfaqur për marrjen e vendimit për emigrim?, bazuar në praktikat e shteteve të rajonit, çfarë masash do të duhej të marrë Qeveria e Kosovës për adresimin e çështjes së emigrimit?.
