Bayerni i Mynihut ka hedhur sytë në Ronald Araujo si një opsion të mundshëm për të përforcuar mbrojtjen gjatë këtij afati kalimtar të janarit.
Klubi gjerman po kërkon të adresojë nevojat e tyre për një mbrojtës shtesë, teksa krahas Araujos ka shfaqur interes edhe për futbollistin e Tottenhamit, Dier.
Trajneri Thomas Tuchel ka bërë të ditur se dëshiron të ketë në ekip vetëm lojtarin uruguaian, i cili njihet për cilësitë e tij të larta dhe potencialin e zhvillimit. Megjithatë, kjo ndërhyrje mund të jetë e kushtueshme, pasi Barcelona nuk është e gatshme ta lërë të lirë Araujo aq lehtë. Ata po bëjnë çmos që të vendosin pengesa për të komplikuar negociatat dhe për ta ngadalësuar transferimin.
Sipas informacioneve nga “AS”, Barcelona po kërkon një shumë të lartë për të liruar Araujo, duke u munduar ta bëjë procesin e transferimit sa më të vështirë. Megjithatë, burime nga Gjermania tregojnë se Bayerni i Munihut është i gatshëm të ofrojë një shumë prej 100 milionë eurosh për të siguruar shërbimet e mbrojtësit uruguaian. Oferta pritet të bëhet publike shumë shpejt dhe do të jetë një ndër zhvillimet e rëndësishme në tregun e futbollistëve.
