sh-ambasadori i OEBS-së, William Walker, ka thënë se nuk e përkrah krijimin e Unionit të Komunave Serbe, duke vlerësuar se një zgjidhje e tillë do të përçajë dhe tjetërsojë edhe më shumë komunitetin serb dhe atë shqiptar në Kosovë, shkruan Kosova Online, transmeton Gazeta më 10.
Në një intervistë për këtë kanal televiziv, Walker tha se njerëzit duhet të përpiqen për unitet dhe bashkim pavarësisht nga përkatësia etnike.
“Unë nuk jam për komunitetin e komunave serbe, ashtu siç nuk do të isha për komunitetin e komuniteteve rome apo egjiptiane. Mendoj se pas luftës së vitit 1999, bashkësia ndërkombëtare erdhi këtu dhe u përpoq të bënte gjithçka për të arritur pajtimin mes shumicës shqiptare dhe pakicave të tjera. Krijimi i kësaj shoqate për mendimin tim shkon në një drejtim tjetër, sepse njerëzit e identifikojnë veten sipas kombësisë dhe mendoj se është krejtësisht e kundërta e bashkimit të njerëzve pavarësisht nga përkatësia etnike”, tha Walker.
Ai ka theksuar se nuk e kupton këmbënguljen e Bashkimit Evropian për këtë çështje.
