23-vjeçarja që u lëndua nga rënia e kulmit të komunës së Prishtinës është në gjendje relativisht stabile, por e shtrirë në QKUK.
E një ekspertizë rreth shkakut se si ka ardhur deri te rënia e kulmit e ka bërë arkitekti Visar Geci, bashkë me arkitektin Gëzim Kastrati dhe me inxhinierin e ndërtimtarisë Arbër Muçajn.
Geci përmes një postimi në “Facebook”, ka thënë se puna e kryer në këtë objekt është bërë jashtë standardeve profesionale e në disa pjesë me materiale të dobëta.
Ai po ashtu ka thënë se puna nuk është bë nga mosdija, por nga mungesa e etikës në punë, duke shtuar se ata që e kanë mbikëqyrë ndërtimin e objektit dhe ata që kanë bërë pranimin teknik kanë përgjegjësi.
“Kushdo që e ka ekzekutua këtë punë, mbikëqyrësi dhe ai që e ka bë pranimin teknik janë’ flliqina e k’ti vendi! Pa pik’ morali e etik pune! Edhe me ju pas’ urdhnu me tytë pushke n’ball’ me bë këtë’ vepër t’flliqt u dashtë mos me ba sepse e keni dit’ SIGURT që dikon ka me marr n’qafë! Me ba deri n’kit nivel këso “gabime” nuk asht punë mosdije por asht poshtërsi e papërgjegjësi e bane qëllimisht!”, ka shkruar ai. /Kosovatimes/
