Ish-kapiteni i Romës, Daniele De Rossi, ka debutuar me fitore si trajner i skuadrës pas shkarkimit të Jose Mourinho.
Në ndeshjen e zhvilluar në “Stadio Olimpico” në kuadër të Javës së njëzet në Serie A romakët kanë shënuar fitore 2-1 kundër Hellas Verona.
Skuadrës nga kryeqyteti nuk iu desh të priste njëzet minuta që ta shënonte golin e parë. Ka qenë Lukaku (19′) ai që e ka gjetur rrjetën. Dyfishimi i rezultatit ka ndodhur vetëm pas gjashtë minutash me Pellegrini (25′).
Pjesa e parë është mbyllur me avantazh prej dy golave.
Në pjesën e dytë mysafirët kanë insistuar për gola, por Djuric nuk është treguar i saktë nga pika e bardhë në minutën e gjashtëdhjetë e gjashtë. Sidoqoftë pas vetëm pesë minutash Folorunsho (71′) e ka ngushtuar epërsinë.
Pas kësaj ndeshje, në tabelën e kryesuar nga Inter, Roma gjendet në pozitën e tetë, kurse Verona dhjetë vende më poshtë.
