Bashkia Fushë-Arrëz ka shpallur gjendjen e jashtëzakonshme për shkak të reshjeve të dendura të dëborës.
Këtë e ka bërë të ditur kryebashkiaku Hil Curri, përmes një postimi në Facebook se Ekipi i Emergjencave Civile të bashkisë po punon me të gjithë sektorët për përballimin e situatës.
Sipas Currit, ekipet po koordinojnë punën edhe me Emergjencat Civile Kombëtare.
“Bashkia Fushë-Arrëz ka shpallur gjendjen e jashtëzakonshme për shkak të reshjeve të dendura të borës! Ekipi i Emergjencave Civile të bashkisë po punon me të gjithë sektorët për përballimin e situatës. Bashkia Fushë-Arrëz do të bej të pamundurën për të ju gjendur pranë banoreve me të gjithëve Njësitë Administrative, Iballe, Blerim, Fierze, Qafë-Mali. Po koordinojmë punën me Emergjencat Civile Kombëtare për të përballuar situatën”, ka shkruar ai.
Ndryshe Shqipëria po përballet me mot të keq, ku në veri dhe në juglindje ka stuhi dëbore. Për pasojë janë shkaktuar një sërë problematikash, ku disa akse janë bërë të pakalueshme. Po ashtu probleme ka edhe me furnizimin me energji elektrike në disa fshatra. /Kosovatimes/
