Lidhja Demokratike e Kosovës (LDK) ka bërë homazhe te varri i presidentit historik, Ibrahim Rugova, në 18-vjetorin e vdekjes.
Kryetari i Lidhjes Demokratike të Kosovës, Lumir Abdixhiku, pas homazheve tha se projekti Rugovës për Kosovën, i integruar në strukturat euroatlantike dhe miqësi të përhershme me Shtetet e Bashkuara të Amerikës është projekti ynë.
Abdixhiku, tha se presidenti Ibrahim Rugova ishte prijës nacional i lëvizjes më të madhe shqiptare për liri, pavarësi dhe demokraci i Lidhjes Demokratike të Kosovës.
“Në këtë 18-vjetor të dhimbshëm ne vetëm ndjejmë dhimbje për humbjen dhe mungesën e tij, por rikujtojmë edhe me nder të madh, mundin, përpjekjen dhe mënyrën e të bërit politikë të tij. Projekti tij i një Kosovë të pavarur dhe sovrane të anëtarësuar në NATO e BE dhe me miqësi të përhershme me ShBA-në është projekt i yni edhe sot”, u shpreh Abdixhiku. /Kosovatimes/
