I dërguari i Bashkimit Evropian për dialogun Kosovë-Serbi, Miroslav Lajçak, pas takimeve që ka zhvilluar në Daovos ku u mbajt ‘Forumi Ekonomik Botëror’, ka thënë se tani është koha për ripërqendrim në hapat e ardhshëm të dialogut.
Lajçak ka folur edhe për çështjen e zgjerimit të Bashkimit Evropianë dhe anëtarësimin e Ballkanit Perëndimor.
Ai ka thënë se zgjerimi i BE-së shihet me skepticizëm në Ballkanin Perëndimor. “Duke shërbyer si bashkë-moderator, ndava vëzhgimin tim se megjithëse ka një entuziazëm të dukshëm nga partnerët lindorë, ai përballet me skepticizëm nga Ballkani Perëndimor. Momenti aktual për zgjerim është real, por siç e dimë mirë, në politikë, një momentum nuk zgjat kurrë përgjithmonë. Prandaj, pyetja kryesore tani është nëse do të jemi në gjendje ta transformojmë këtë momentum në një cilësi të re të zgjerimit apo nëse do të humbasë fare”, ka shkruar Lajçak në ‘Facebook’. /Kosovatimes/
