Dy helikopterë britanik “Merlin” kane zbarkuar këtë te diele ne sheshin Skenderbej.
Përmes tre rrotullimeve në hapësirën ajrore të kryeqytetit u tregua bashkëpunimi mes dy vendeve, por edhe lajmërimi për nisjen e stërvitjes ushtarake.
Me flamurin britanik dhe atë shqiptar, përfaqësues të lartë të dy shteteve shpalosën flamujt.
Komandanti i forcave tokësore shqiptare Ilir Xhebexhia beri me dije se stërvitja do të vijojë deri në muajin prill të këtij viti.
”Këto aktivitete do vazhdojnë duke filluar nga muaji janar deri në muajin prill’’, tha Xhebexhia.
Komandanti i Task Forces te trupave Amfibe Sam Stephens në fjalën e tij u shpreh se viti 2024 shënon 15 vjetorin e anëtarësimit të Shqipërisë në NATO.
”Viti 2024 shënon 15 vjetorin e anëtarësimit të Shqipërisë në NATO dhe Britani është krenare që po punon me Shqipërinë”, tha Stephens.
Dy anije ndihmese të Flotës Mbretërore, tre helikopter Merlin dhe një kontingjent Komandosh të Marinsave Mbretërore kanë mbërritur tashmë në Shqipëri.
Bëhet e ditur se ata janë pjesë e Grupit jugor të Reagimit Bregdetar të Mbretërisë së Bashkuar.
