Futbollistët e Interit triumfuan në ndeshjen finale të Superkupës së Italisë. Në ndeshjen e zhvilluar në Riad të Arabisë Saudite, Interi e mposhti Napolin e Amir Rrahmanit, me rezultat 1:0.
Kësisoj Interi e ngriti trofeun e Superkupës për të tretën herë radhazi dhe për herë të tetë në historinë e klubit.
Kampioni në fuqi i Italisë mbeti pa Giovanni Simeonen në minutën e 60-të, pasi argjentinasi mori dy kartonë të verdhë në një interval prej pesë minutash. Interi e shfrytëzoi këtë epërsi numerike në fushë dhe në minutën e 91-të Lautaro Martinez shënoi pas asistimit të Pavar. Për lojtarin më të mirë të Interit ky ishte goli i 21-të që nga fillimi i sezonit.
