Njeriu i parë i Barcelonës, Joan Laporta, ka bërë një koment pas vendimeve skandaloze të gjyqtarit në ndeshjen mes Realit dhe Almerias (3:2).
Barcelona mbështeti ata që besojnë se Almería u grabit në ‘Santiago Bernabeu’. Të gjitha vendimet e VAR-it në ndeshje shkuan në favor të nikoqirëve.
“Ajo që ndodhi në Bernabeu ishte një turp. Mendoj se shoqata e gjyqtarëve duhet t’i përgjigjet serisë së presioneve që u shfaqën mbi gjyqtarët gjatë sezonit. Nëse nuk marrim një përgjigje, do të jemi shumë të indinjuar”, tha Laporta për Mundo Deportivo.
Mediat që mbështesin Realin thonë se Laporta dhe Barcelona nuk janë ata që duhet të komentojnë ndarjen e drejtësisë. Sipas tyre Barcelona është thellësisht e përfshirë në skandalin “Negreira”, pra në ryshfetin e arbitrave dhe e konsiderojnë të pamoralshme që Laporta të komentojë për gjyqtarët e ndarjen e drejtësisë.
