Policia e Kosovës ka konfiskuar 59 makina për mihjen e kriptovalutave sot në veri.
Lajmin e ka konfirmuar zëvendësdrejtori i Policisë për Rajonin e Veriut, Veton Elshani. Ai për RTKlive ka bërë të ditur se nuk ka të arrestuar për rastin.
“Sot në orët e paradites, pas orës 10, Policia ka marrë informacione nga qytetarët dhe më pas ka ndërhy në dy shtëpi në Mitrovicën e Veriut ne rrugën “Çeta e Minatorëve” dhe ka konfiskuar në njërën shtëpi 43 makinë dhe në tjetrën 16 sosh, gjithsejtë 59 makina për mihjen e kriptovalutave. Dogana e Kosovës i ka pranuar këto duke marr parasysh se kjo është kundërvajtje doganore. Nuk ka të arrestuar”, ka thënë Elshani.
