Ish-kryeministri i Maqedonisë së Veriut, Dimitar Kovaçevski, ia ka dorëzuar detyrën e kryeministrit, Talat Xhaferit, i cili dje u votua nga Kuvendi i këtij shteti.
Talat Xhaferi pas marrjes së detyrës ka thënë se gjatë qeverisë së tij vendi do të udhëhiqet sipas ligjeve dhe kushtetutës.
Xhaferi ka deklaruar se detyra primare e kësaj qeverie është organizmi i zgjedhjeve presidenciale dhe parlamentare fer dhe demokratike.
“Qeveria në bashkëpunim me Kuvendin, KShZ-në, OSBE-ODIHR, Bashkimi Evropian dhe Shtetet e Bashkuara do të zbatojë të gjitha parakushtet operacionale duke mundësuar që zgjedhjet të zhvillohen me ligjshmëri të plotë, legjitimitet dhe pranim konsensual të vullnetit të qytetarëve”, tka thënë ai.
Sipas tij, mbajtja dhe avancimi i partneritetit strategjike të RMV-së me Bashkimin Evropian, NATO-n dhe Shtetet e Bashkuara të Amerikës do të jenë prioritet i kësaj qeverisë.
Kryeministri i ri ka thënë se integrimi evropian nuk ka alternativë të për vendin tonë dhe se mbetet në fokus të qeverisë anëtarësimi në BE deri në vitin 2030.
Xhaferi gjithashtu si prioritet i kësaj qeverie do të jenë edhe për reformat ekonomike në vend, sundimin e ligjit dhe rritja e standardit jetësor në vend.
Kurse, Kovaçevski gjatë konferencës për shtyp foli për reformat në vend të cilët janë bërë gjatë qeverisjes së tij si në financa, infrastrukturë, energjetikë dhe bujqësi.
Kovaçevski ka deklaruar se koalicioni evropian edhe në qeverinë e re do të jetë shtyllë për integrimin e vendit në BE. Ai i ka uruar suksese kryeministrit të ri dhe kabinetit të tij në detyra e reja.
