By using this site, you agree to the Privacy Policy and Terms of Use.
Accept
Kosova TimesKosova Times
Notification Show More
Latest News
Çfarë janë arepat?
August 29, 2025
Ata ulën kamerat në një thellësi prej 2,500 metrash, gjetën një trofe të jashtëzakonshëm: ‘Na habiti edhe ne’
August 29, 2025
Zbulohet vaksina universale kundër kancerit: Rezultatet e para i kënaqin shkencëtarët
August 29, 2025
Pulë në salcë kremoze me spinaq: Një vakt në një tigan për 20 minuta
August 29, 2025
Momenti i arrestimit të 36-vjeçarit nga banda “Entik”
August 29, 2025
Aa
  • Ballina
  • Politikë
    • Lajme
    • Tema
    • Gjeopolitikë
    • Opinion
  • Rajon / Botë
  • Ekonomi
    • Lajme
    • Tema
    • Financa
    • Turizëm
    • Bujqësi
  • Kulturë
    • Lajme
    • ShowBiz
    • Moda
  • Shëndetësi
  • Sport
  • Hi-tech
    • Teknologji
    • Shkencë
Reading: “Më është mbyllur dera e dytë e shtëpisë”: Handikosi me shërbime të ngrira
Share
Aa
Kosova TimesKosova Times
Search
  • Home
    • Home News
    • Home 2
    • Home 3
    • Home 4
    • Home 5
  • Categories
  • Bookmarks
    • Customize Interests
    • My Bookmarks
  • More Foxiz
    • Blog Index
    • Sitemap
Have an existing account? Sign In
Follow US
Kosova Times > Blog > Politikë > Lajme > “Më është mbyllur dera e dytë e shtëpisë”: Handikosi me shërbime të ngrira
Ballina 1Lajme

“Më është mbyllur dera e dytë e shtëpisë”: Handikosi me shërbime të ngrira

Kosova Times
Last updated: 2024/01/31 at 1:19 PM
Kosova Times Published January 31, 2024
Share
SHARE

Të ftohtët që kishte kapluar pasditen e 29 janarit Qendrën e Resurseve Handikos në Prishtinë, pamundësoi që Bedri Kadriaj – përdorues i karrocës invalidore – t’i merrte shërbimet e fizioterapisë.

Kjo qendër, e cila merret me përmirësimin e kushteve të jetesës së personave me aftësi të kufizuara në Kosovë, e ndërpreu punën gjatë gjithë muajit janar, për shkak të mungesës së fondeve.

Të gjitha shërbimet që i ofron falas – nga rehabilitimi dhe terapia fizikale e deri te trajtimi psiko-social dhe logopedia – janë pezulluar.

Dhomat e ushtrimeve, tavolinat, karriget… të gjitha janë të boshatisura.

Se kur dhe nëse do të rikthehen me kapacitet të plotë, nuk është e qartë.

Korridori në qendrën Handikos.
Korridori në qendrën Handikos.

Dhjetëra persona me diagnoza të ndryshme mbetën pa shërbime

Bedriu po merrte shërbime në Handikos që katër vjet. Atëkohë, ai pësoi një aksident me motor që e la me këmbë të paralizuara.

“E kam shfrytëzuar qendrën për fitnes, për shpatulla, për duar… sepse neve na duhet t’i ushtrojmë duart, t’i kemi të forta”, tha 39-vjeçari për Radion Evropa e Lirë.

Bedri Kadriaj, 39 vjeç në dhomën e ushtrime, Handikos.
Bedri Kadriaj, 39 vjeç në dhomën e ushtrime, Handikos.

Ai ishte në dijeni për ndërprerjen e shërbimeve, por shpresonte se, të paktën, do të merrte ndonjë lajm të mirë për rikthimin e tyre.

“Pas aksidentit, këtu në qendër e kam gjetur veten shumë. Stafi është i mirë, i kam marrë të gjitha shërbimet e nevojshme pa pagesë”.

“Ndjej sikur më është mbyllur dera e dytë e shtëpisë”, u shpreh Bedriu.

Paisjet për ushtrime të fizio-terapisë në Handikos.
Paisjet për ushtrime të fizio-terapisë në Handikos.

Me atë ndjesi, ditën që REL-i vizitoi hapësirat e Handikosit, ishte edhe Fidajete Shala – Pllana, djali i së cilës, katër vjeç, ka nevojë për shërbime të fizioterapisë dhe logopedisë.

“Nga shërbimet e ofruara këtu, djali ka pasur shumë përmirësime”, tha ajo për Radion Evropa e Lirë.

Fidajete Shala-Pllana, nëna e djalit 4-vjeçar, i cili merrte shërbime në këtë qendër.
Fidajete Shala-Pllana, nëna e djalit 4-vjeçar, i cili merrte shërbime në këtë qendër.

Mungesën e shërbimeve tha se e ndjen edhe i biri, sepse “vazhdimisht i përmend edukatoret e tij”.

Me profesion sociologe, Fidajetja tha se familja e saj nuk e përballon dot ekonomikisht pagesën për shërbimet që i duhen 4-vjeçarit disa herë në javë.

Hapësira brenda Handikos-it, në të cilën personat me aftësi të kufizuara marrin shërbime logopedike.
Hapësira brenda Handikos-it, në të cilën personat me aftësi të kufizuara marrin shërbime logopedike.

Kur nuk ka projekte, nuk ka as para

Funksionale nga viti 2003, Qendra e Resurseve Handikos në Prishtinë është më e madhja në Kosovë që ofron shërbime për personat me aftësi të kufizuara.

Mbyllja – për herë të parë gjatë dy dekadave të ekzistencës – la pa shërbime mbi 60 individë në nevojë, thotë për Radion Evropa e Lirë drejtori i qendrës, Afrim Maliqi.

Sipas tij, individët që marrin trajtime aty, bëjnë pjesë në grupet më të rrezikuara të personave me aftësi të kufizuara. Kanë 22 diagnoza të ndryshme, por më e shpeshta është ajo e paralizës cerebrale.

“Brenda ditës mund të vijnë 15 ose 20 persona. Një mund të ketë nevojë për dy-tri shërbime, një tjetër mund të ketë nevojë vetëm për një. Por, ka edhe shërbime grupore që i ofron qendra”, thotë Maliqi.

Afrim Maliqi, drejtor i shoqatës Handikos.
Afrim Maliqi, drejtor i shoqatës Handikos.

Ai shpjegon se Qendra e Resurseve Handikos funksionon në bazë të projekteve, që i bën qoftë vetë, qoftë me shoqata simotra, e që i financojnë organizata apo institucione të ndryshme.

Me ato fonde, pastaj, mbulohen shërbimet, pagat e stafit, rryma, ngrohja dhe karburantet.

Mungesa e projekteve në periudhën e fundit ka çuar në mungesë fondesh dhe, rrjedhimisht, në pezullimin e shërbimeve.

“Kur nuk kemi projekte, nuk na financon askush”, thotë Maliqi.

Ai tregon se Handikosi ka kërkuar nga Komuna e Prishtinës që ta marrë nën menaxhim Qendrën e Resurseve, pasi gjendet në territorin e saj, por deri më tash pa ndonjë rezultat.

Dhoma e qëndrimit ditor për personat që marrin shërbime në këtë qendër.
Dhoma e qëndrimit ditor për personat që marrin shërbime në këtë qendër.

E kontaktuar nga Radio Evropa e Lirë, Komuna e Prishtinës nuk iu përgjigj pyetjes se cilat janë mundësitë që ta marrë nën ombrellën e vet këtë qendër, por tha se “mbështetja për Handikosin do të vazhdojë edhe në vitet në vijim përmes thirrjeve të hapura për subvencionim”.

“Kryeqyteti Prishtina në vazhdimësi ka ofruar mbështetje për këtë shoqatë. Në vitin 2022, kryeqyteti ka ofruar mbështetje në vlerë prej rreth 25 mijë eurosh, kurse në vitin 2023 shoqata ka pranuar 15 mijë euro përmes subvencioneve”, thuhet në përgjigjen e Komunës së Prishtinës dërguar Radios Evropa e Lirë.

Për t’i dalë sadopak në ndihmë, Ministria e Drejtësisë e Kosovës i ndau Qendrës së Resurseve Handikos 6.750 euro pjesën e dytë të muajit janar.

Me këto mjete, Maliqi thotë se qendra pritet t’i rikthejë vetëm 10 për qind të shërbimeve nga java e ardhshme.

Njëkohësisht, ai tregon se është duke u punuar edhe në një projekt që do t’i siguronte rreth 30.000 euro nga kjo ministri.

Projekti, sipas tij, duhet të përfundojë deri në prill, por “nuk i mbulon as shpenzimet, as periudhën kohore”.

Objekti i Qendrës së Resurseve, Handikos.
Objekti i Qendrës së Resurseve, Handikos.

Sipas një llogaritjeje që ka bërë vetë qendra, asaj i duhen 263 mijë euro në vit për t’i mbuluar të gjitha shpenzimet.

Vitin e kaluar, shërbimet sociale në Kosovë kanë kaluar nga Ministria e Financave, Punës dhe Transfereve te Ministria e Drejtësisë.

Kjo e fundit nuk iu përgjigj interesimit të REL-it për komente në këtë temë.

Një dhomë tjetër ku personat me aftësi të kufizuara marrin shërbime.
Një dhomë tjetër ku personat me aftësi të kufizuara marrin shërbime.

Bazuar në të dhënat e Organizatës Botërore të Shëndetësisë, në Kosovë jetojnë më shumë se 150 mijë persona me aftësi të kufizuara.

Në organizatën joqeveritare Handikos janë të anëtarësuar 18.000 persona me aftësi të kufizuara fizike të moshave, gjinive dhe etnive të ndryshme.

Handikosi ka 14 qendra rehabilitimi në Kosovë dhe të gjitha varen nga projektet që i financojnë qoftë institucionet lokale, ato qendrore apo ndërkombëtare.

You Might Also Like

Kolona të gjata në Merdar, pritje mbi dy orë për të dal nga Kosova

Murati: PDK, LDK e AAK po ia ruajnë pozitën e nënkryetarit Listës Serbe

Kurti: Po ndryshohet jeta e qindra familjeve anë e mbanë Kosovës

OVL e UÇK-së letër deputetëve, kërkohet shkarkimi i Bashës

Hedhet poshtë ankesa Kurteshit dhe Krasniqit, kundër vendimit të PZAP-së

Kosova Times January 31, 2024
Share this Article
Facebook Twitter Email Print
Leave a comment

Leave a Reply

Your email address will not be published. Required fields are marked *

Follow US

Find US on Social Medias
Facebook Like
Twitter Follow
Youtube Subscribe
Telegram Follow

Weekly Newsletter

Subscribe to our newsletter to get our newest articles instantly!

[mc4wp_form]
Popular News
Opinion

Sondazhet kontroverse dhe “armët” kryesore të Ibrahim Rugovës

Kosova Times Kosova Times December 26, 2023
Kandidati pro-rus presidencial rumun dëshiron të aneksojë pjesë të Ukrainës në Rumani
Dështon edhe përpjekja e 21-të për konstituimin e Kuvendit
Erdogan pritet të takohet me Putinin në Astana
Sikur nesër të ishin votimet – për kënd do të votojë qytetari?
- Advertisement -
Ad imageAd image
Global Coronavirus Cases

Confirmed

0

Death

0

More Information:Covid-19 Statistics

Kategoritë

  • Politikë
  • Rajon / Botë
  • Ekonomi
  • Kulturë
  • Shëndetësi
  • Sport
  • Hi - tech

About US

Kosova Times We influence 20 million users and is the number one business and technology news network on the planet.

Subscribe US

Subscribe to our newsletter to get our newest articles instantly!

[mc4wp_form]

© Kosova Times. All Rights Reserved.

Removed from reading list

Undo
Welcome Back!

Sign in to your account

Lost your password?