Ish-drejtori i Shërbimeve Publike në Komunën e Prishtinës, Ilirik Musliu, ka reaguar zyrtarisht për herë të parë prej kur u shkarkua.
Muslliu thotë se është i habitur dhe i shokuar nga vendimi i kryetari Rama, meqë ka qenë i angazhuar në detyrën e tij.
Ai madje thotë se ky shkarkim sa shkon e bëhet më i habitshëm për të, pasi sipas Musliut, një ditë përpara se të shkarkohej u përgëzua për projektet e tij.
http://199.192.21.43/2024/02/02/sahatciu-thote-se-shkarkimi-i-musliut-nga-rama-lidhet-me-badovcin/
“Më ka zhgënjyer tej mase ky trajtim, për faktin se gjatë kësaj periudhe 2 vjeçare kam qenë profesional dhe lojal në misionin që e kam marrë, për të punuar për të mirën e qytetarëve të Prishtinës… me këtë mision kam jetuar çdo ditë, pa dallime orari”, ka thënë mes të tjerash Musliu.
http://199.192.21.43/2024/02/02/kaosi-me-mbeturina-ne-kryeqytet-rama-liron-nga-detyra-drejtorin-e-sherbimeve-publike/
Musliu thotë se lajmin për shkarkimin e tij e ka marrë në ‘Facebook’, në një mënyrë aspak profesionale.
Ai ka folur për menaxhimin e mbeturinave dhe master-planin me të cilin është trajtuar çdo mbeturinë. /Kosovatimes/
